الجيل الخامس من دي سي كوميكس

تذكرون سالفة 5G او Generation 5 أو  The 5^th Generation ؟ بعدين فجأة تغيرت اسمها لـ future state

الاسابيع الي راحت نزلت مقالات في موقع bleeding cool عن خطط 5G بس حطوا ببالكم انها اشاعات و مو مؤكدة.

طيب وش هو 5G ؟ هي اختصار لـ fifth generation  بالعربي الجيل الخامس, و لا ما نقصد فيها ابراج الجوالات يا سخيف انت و هو, المقصد الجيل الخامس من سوبرهيروز عالم DC و نقدر نقول وندر ومن (Wonder Woman) و سوبرمان (Superman) كانوا الجيل الاول,نايت وينق (Nightwing) و والي ويست فلاش(Wally West)  من الجيل الثاني, و نستمر لين ما نوصل للجيل الجديد مثل جون كينت (Jon Kent) و دايمين واين (Damien Wayne) و غيرهم

خلونا نبدأ بالفكرة العامة

بشكل عام كانت من رئيس النشر في DC دان ديديو(Dan Didio)  وكان بيغير الشخصيات الرئيسية مثل كلارك كينت(Clark Kent)  و بروس واين(Bruce Wayne)  بانه يكبرهم في العمر ويبدلهم بأبطال جدد, و في نفس الوقت لو نزلت قصص للشخصيات ذي تكون في الماضي او في عالم موازي.

البداية كانت بموت الفريد في قصة توم كينق(Tom King)  مدينة بين (City of Bane) و هالشيء راح يفكك عائلة باتمان, و القصة تكمل لحدث حرب الجوكر (Joker War) بس إسمها كان مختلف باتمان/جوكر: النزاع الاخير (Batman/Joker: The Final Conflict) و بعد ما باتمان يهزم جوكر, باتمان يترك جوكر بعد ما همس له في اذنه شيء, طبعًا ما تعرف وش همس الا بعدين و الفكرة انه عرض عليه يذبح بين (Bane) بس ما يذبحه. و باتمان الجديد كان مفروض يصير لوك فوكس (Luke Fox) المعروف بلقب بات وينق (Batwing) بدال اخوه الجديد جيس (Jace).

حدث Death Metal كان من المفترض يكون اسمه Death Metal: Dark Crisis و كان هو الي بينتهي بكبر عمر باتمان  (Batman)و سوبرمان  (Superman)لعمر الستين, و بالنسبة للتريتني الجديدة بتكون مكونة من جون كينت (Jon Kent) ابن كلارك كينت و بيصير سوبرمان الجديد, لوك فوكس الباتمان الجديد, و يارا فلور (Yara Flor) الي بتكون وندر ومن الجديدة و الافكار ذي شفناها نوعًا ما في Future State و Infinite Frontier و بالذات في حدث Dark Crisis الي حتى في المسمى كان مشتق من الخطة الرئيسية لـ 5G.

بروس واين بعد ما يكبر في العمر يضطر إنه يعتزل كشخصية باتمان و يحاول يكفر عن اغلاطه, لكن إنه ترك جوكر يقتل بين (Bane) مسبب له ازمة, و بسبب الضغوطات النفسية يترك قوثوم و يروح لانجلترا بغرض تفكيك تأثير باتمان العالمي (مثل شخصيات باتمان الي موجودة في الصين, فرنسا, و غيرها) و تقريبًا هالقصة شفناها بشكل مختلف في كتاب Batman The Detective.

ابن باتمان دايمين حس بالخيانة من ابوه, و من هنا يمشى في خطى جده راس الغول (Ra’s al Ghul) و يصير رئيس لفرقة ليفايثان (Leviathan) و الي يؤدي لنزاع بينه و بين باتمان الجديد لوك فوكس , و هالشيء يؤدي لتدخل من جون كينت الي يكون في صف لوك. و بما اننا نتكلم عن روبن, اخت لوك فوكس, تامارا فوكس كانت مخطط لها انها تكون روبن جديد (مع انها اكبر منه؟؟؟؟)

و بالنسبة لسوبرمان كلارك كينت كانت الخطة زي ما هي, سوبرمان يعلم الناس انه كلارك كينت, ولده يرجع كمراهق, بس الفرق إنه بيحاول يقنع السوبر هيروز الباقين انهم يكشفون عن هويتاهم, و بالاخص باتمان, و هالشيء يكون فجوة في فرقة العدالة (Justice League) و خصوصًا باتمان الي يشوف إن غموض شخصية باتمان قوة بحد ذاتها.

و زيادة على التفرقة بين فرقة العدالة, ولد كلارك كينت جون ما عجبه إن أبوه كشف عن هويته, و هالشيء سبب ثقل على جون و خلاه يروح للقرن الـ 31 مع الـ Legion of Superheroes.

سوبرمان بعد ما يكبر قوته بدأت تختفي و يعطي ولده جون مسؤولية حماية Metropolis و يترك امريكا و يروح لأفريقيا, لكن بعد فترة يحس انه يحتاج يستخدم قوته في الخير و يؤدي لتكوين نسخة جديدة من فريق The Authority.

وحدة من خطط DC كانت كتب باسم النداء الاخير (The Last Call) و فكرتها نفس فكرة قصص 52 الي كانت اسبوعية عشان تغطي فترة السنة الي اختفوا فيها ابطال DC بعد حدث Infinite Crisis, بس هنا كانت راح تكّبر في عمر الشخصيات الرئيسية و تقدم الشخصيات الجديدة الي تاخذ مكانها, و الفريق الابداعي كان بقيادة Brian Michael Bendis و معاه Kelly Sue DeConnic, Matt Fraction, و Greg Rucka.

بالنسبة للابطال الجديدين, جون كينت, سورمان الجديد, كان على علم بمصير كوكب الارض (انفجارها) بعد مغامراته في القرن الـ 31 و يحاول إنه يوقف هالشيء, و بعد فترة يتزوج شخصية جيني سباركس (Jenny Sparks) الي في الاخير تنضم لفريق .The Authority

بعد ما جون كينت و لوك فوكس اتحدوا عشان يهزمون ديمين واين, يبدأون يكونوا فريق جديد باسم تحالف العدالة(The Justice Alliance) و الفريق مكون من جون كينت, لوكس فوكس, يارا فلور , Jo Mullein (Green Lantern) و فلاش جديد باسم Bolt.

اذا تحسبون هالافكار سيئة, باقي DC ما خلصت, وحدة من افكارهم ان جوكر يفضح إن باتمان تركه عشان يذبح بين (Bane)  و يعلمهم ان باتمان هو بروس واين و هالشيء يخلي باتمان يرجع لقوثوم, و فريق تحالف العدالة يكون ضده و يحكم عليه انه مذنب.

كلارك كينت ما يعجبه الي صاير لبروس واين, و يقرر يطلعه من السجن مع فريقه The Authority و الي يؤدي لحدث سوبرمان ضد سوبرمان (Superman vs Superman), و بعدها بفترة حدث ثاني باسم سوبرمان و باتمان ضد عالم دي سي (Superman/Batman against the DC universe) و الي تعتبر مشابهة لقصة الحرب الاهلية (Civil War) من عالم مارفل, و شخصيات DC تختار يا فريق سوبرمان الجديد او القديم, و كلارك كينت يحاول يرجع قوته الي فقدها, و مع التجارب الي سواها في نفسه قوته رجعت و زيادة, و صار وجوده خطر على كوكب الارض, مثل الي شافه ولده جون في القرن الـ 31, و في نهاية الحدث بروس واين و كلارك كينت يضحوا بنفسهم عشان ينقذون الارض, و بكذا المستقبل يتغير, و يبقى فريق Justice Alliance.

هالقصص كانت بتبدأ من 2020 و تنتهي في 2024 و في 2025 المفترض يشوفون هل الشخصيات الجديدة ناجحة او لا, و اذا ما كانت ناجحة, كنا راح نعاني من ريبوت جديد للمرة الرابعة خلال 10 سنوات.

طيب و الشخصيات الباقية؟ سوامب ثينق و قصته الي من كتابة Ram V و Mike Perkins هي الوحيدة الي نجت و نشرت في 2021. و جيف ليمير اشتغل على كتاب رعب لشخصية Green Lantern لكنها مو وحدة من الشخصيات المعروفة, كانت من عالم Tangent الي نُشر عام 1997 و القصة كانت بداية لعالم قصص الرعب في 5G, لكن جيف ما حس ان الاوضاع جيدة في DC وفي اول لحظة قدر يتخلى الفكرة, تخلى عنها.

و زي ما نعرف, هالافكار ما طبقت بشكل كامل, دي سي تخلت عن دان و افكاره طبقت بشكل مختلف, بداية مع Future State  و مرورًا بـ Dark Crisis on Infinite Earths و شفنا سوبرمان يفقد قوته و يروح لكوكب مختلف, باتمان شالوا فلوسه و حدث حرب الجوكر نهايته كانت مخيبة, مع ان الرسم انقذ القصة, و مع الاسف التطبيق كان سيء في اغلب القصص لدرجة دي سي ما صرحت عن مبيعاتها في الفترة الاخيرة و للامانة ما نعرف لو دي سي طبقت 5G بشكل مباشر كان راح ينجح نجاح مبهر او يفشل فشل قاتل, بس الي متأكدين منه, ان دي سي فشلت في تقديم الشخصيات الجديدة, بداية بقصة سيئة لجون كينت, و تبديل لوك فوكس باخوه Jace و نهاية بحدث الازمة المظلمة على كواكب الارض..

و أخيرًا بقصص قرين لانترن و محاولة اقحام شخصية Jo Mullein  و تغير الـ Green Lantern Corps قدم بشكل مزعج لمحبين هالفرقة.

و في الختام الواحد يحمد ربه الفريق الابداعي ما عطوهم مجال يبدعون, ولا كان مرينا بـ All New All Different DC.